فضيحة البنات عند المذاكرة أثناء الامتحانات
1- الثلاث وجبات الرئيسية لازم تقعد عليها أول وحده وماتقوم الا آخر وحده جوعانة المسكينة ياحرام ،، واحيانا تزيد وجبات اضافية اذا كانت المادة دسمة .
2- تقعد تسوي نفسها طفشانه وتعبانه وياربيه ماني قادرة اذاكر مدري وشفيني حاسة بكتمة يمه 00الظاهر احد قاري علي والا صاكني عين 000 تقعد امها تقول باسم الله عليك000 تعالي اقرا عليك يابنيتي00
كل هذا عشان اذا سقطت يقولون عين 00
3- بعضهن ينزل عليها وسواس نظافة ايام الامتحانات تتروش الصبح والليل وتستشور شعرها كل مرة طبعا مايصير تخليه يخرب وبكره كيف تروح الجامعة والكتاب على جنب طبعا هذي من واجباتها اليومية ماتقدر تتركها عشان تذاكر مايصير0
4- هذي تترك الكتاب على جنب وتقوم تقيس فساتين السهرات اللي عندها عشان بعد الاختبارات على طول فيه عرس فلانه بنت فلان لازم تحدد وش تلبس من الحين 000لا وبعضهن ليلة الاختبار عند الخياطة رايحه تسوي بروفه 00
الله من قل الدبره بس0
5- وبعضهن تنزل عليها صلة الرحم فجأه تقوم تكلم وحده من صديقاتها القدام من زمان ماكلمتها 000تبي تشوف وش صار عليها وتشغلها عن المذاكره 00
6- وهذي تنزل عليها الشطارة فجأة تقوم تسوي العشا لاهلها00وتغسل الصحون عن الشغالة وتقولها اطلعي نامي انتي خلاص انا اكمل00
7- وهذي مبتليها ربي بحب الجوال قالبتها تشات حشا مو مسجات وماتصحى على نفسها الا قبل الفجر بساعتين00
-8 وهذي المسكينه اللي من قل الحيله توجع القلب لاقفلت معها قضبت المخده ونامت لين تصحى وتقول يوه راحت علي نومه00
9- وهذي ايام الامتحانات تنزل عليها حالات غريبه كل شوي مشتهيه اكله معينه وماتلقى السواق الا رايح جاي رايح جاي 00000يعني اذاكر 00وامها ايه يابنيتي وش تبين بس 000قال ايش تبي تساعدها عشان تفتح نفسها للمذاكرة وما تدري ان كل ذا هروب 000ذا النوع ماتنتهي الامتحانات الا وهي زايده 4 كيلو000
تمنياتي لكم بالتوفيق لان الامتحانات على الابواب الله يساعد كل ام على اولادها على المذاكره
لاعاااد مو لذا الدرجه نشتهي اكل بس مو كله اكل مطعم احيان
نشتهي اكل بيت او اي شي خفيف
وهذي الحاله بعد تجي اذا كانت الماده دسسسسمه
نخاف من المذاكره وهذا نوع من انواع الهروب
يعطيك العافيه ماقتلتني انا مت فيها
بس عاد انتو لاتبالغون في حالات
ماعمري سمعت انها صارت مع احد
وفي منها الاجد تصير ليه ننكر
عادي حتى انتو يالشباب تجيكم حالات الهروب
واكثر منا بعد
بس اغلب الاوقا تجينا هالحالات اذا كانت ماده صعبه
والا نهرب منها نريح نفسيتنا شوي بعدين مالنا مفر نرجع نذاكر
